La Barcunata 10
De cummare donna Stella
Tecco trase all’osteria,
mu s’accatta nu filone
ca la fami lu potia
La patruna potighara,
Ch’era arrede a lu bancuni:
chi mentimu murtatella
provoletta o provuluni?
Murtatella nci rispunde
E du ette de salami
No’ mi mporta quantu pagu,
ca no’ viju de la fami
Pigghia allora nu culacchiu
Chi restau de murtatella
E si mente m’affettija
Chista no signora bella!
Propria a mia chi sugnu Tecco
Cumbinati chistu mbrogghio?
Ca parrandu cu rispetto
Eo lu culu no lu vogghio
Ntise allora lu maritu:
ma chi è sta discussione?
Proprio nente nci cercai
Mu mi fa na colazione
Ma la gnura donna Stella
Vo’ cu mia mu fa nu mbrogghio,
vo lu culu mu mi duna
ma lu culu no lu vogghio.