La Barcunata 2
C'era na chiese antica
a menzo a l’olivar’i,
chi na campana amica,
verzo lu scapilare,
sonava e diffundia
la santa “AVEMARIA”!
Nu jorno, pe’ disgrazia,
si fracassau annavota;
ma pe’ bontà e pe’ grazia,
l’irgiru n’atra vota:
mo’ ch’è cchiù bella assai
è tristi quantu mai!
Si trova disulata,
ntra l’arvuri sperduta,
de tutti mo’ è scordata
e la campagna è muta.
Tene pe’ cumpagnia
li spini de la via!
Sulu de tantu ntantu,
na mani assai divota
ruppe silenzio e ncantu
e sona ncuna nota:
sona l’“AVEMARIA”
cu tanta nostargìa!