La Barcunata 27
Ci su paisi suttasbiluppati,
a la televisione li viditi,
duve la fami pìgghianu a palati
e crèpanu perzìnu de la siti!
Cu’ sa cui nci dunàu sta brutta sorte
de vivi, pe’ mu vìdenu la morte!
Ma su paisi puru de ‘mbidiare:
la legge assìgna a l’omo sei mugghiere
e sette nde vorrìa, si lu po’ fare
ca notte e jorno fa lu pputtanere
e tutti l’anni ogni mugghiere figghia,
diciti: lu maritu duve pigghia?
Pecchissu, amici mei presto curriti,
scappati tutti quanti m’ajutati,
ca sugnu disperati li mariti
e li nnucente poveri affamati:
mandamunci, a lu posto de dinari,
ducentomila e cchiù veterinari!
E chisti, cu facìgghi e cu rasòla
de nu forgiàru bono azzarijati
cu tempera passati ed a la mola,
mu tagghianu, perbeo, como lanzàti;
ogni maritu m’è crastatu ‘ntundu
la fami eccu sarvata ‘ntra lu mundu!