La Barcunata 28
Mi ricordo ca na vota,
ogni sabbatu matìna,
avìa mama pe’ mu cerne,
cu lu crivu, la farina,
pe’ mu fà pane de ranu
o mbiscatu cu lu ‘ndianu!
Lu mpastava cu acqua tèpida,
cu lu sale e lu levàtu,
poe pe’ n’ura pugnijava
pe’ mu è giustu lu mpastatu
sia de sale mu si pigghja,
ca de lèveto m’appigghja!
Poe la pasta la sciancava
cu li mani e li palette,
li facìa e l’accoppàva
cu nu paru de cuvèrte
mu si ponno allevitare
e già pronte a lu ‘mpurnare!
Mentìa mò foco a lu furnu
cu li fraschi d’olivara,
de bruvera o de zzaradi
chi parìa na carcara
e mu è giusta la calùra
attizzava cchiù de n’ura.
Arrivata a chistu puntu,
lu cajùpu era vagnatu
pe’ mu tira vrascj e cinneri
pe’ mu è tuttu scupatu,
no’ mu rèstanu carvùni
tra li ‘ncrasti e li mattùmi.
Chista è l’urtima fatiga
mone chi lu furnu è netto,
cu na pala longa e larga,
mama ‘mpurna ogni panètto
ricitandu: “San Martinu
pane cotto e furnu chjnu!”.
Quandu poe si mbicinàva
la cottura, la fraganza
ti facìa mu gurgulìjanu
li stentìni ‘ntra la panza
e l’addùru si sentìa
finu a menzo de la via!
Ntra lu pane, ancora caddu,
cui mentìa du’ frittuleje,
zzirimìnguli, na sarda,
bocculàru, ciculeje;
però sòroma (liccarda!)
si sparmava la mustarda!
Oh chi festa si nc’è pane!
Canta Rosa cu Peppina,
canta Sara cu Cuncetta,
Mariantona e Cesarina,
si de pane no’ nc’è nente
nu suspiru sulu sente!
Ma però com’è sudatu
chistu sanu nutrimento,
fu a la Cena benedittu
mu diventa Sacramento
ch’è lu pane cutidianu
chi fa saziu lu cristianu!