La Barcunata 23
De quandu mi ricordo,
cchiù de vint’anni arrede,
no’ si po’ caminare
cu machini, né a pede;
su tutti fosse fosse
li strati a stu paisi,
pecchì pe’ cose stupidi
rivòrgenu li spisi.
Lu verno, quandu chiove,
vidi na via palustra,
si passa corchi machina,
t’allindica e t’allustra.
Li petre poe chi càlanu,
cu scàtuli e mundizzi
sugnu de stu paisi
onùri e valentizzi.
Pecchì sempe facìti
proggette ed atri cazzi
s’avìmu sderrupàti
vìcula, strati e chiazzi?
E avìmu cca la “Cassa”,
ch’è de lu “Menzijorno”,
chi sempe scuru porta
e mai vidìmu jorno;
immagginati vui
s’ere de “Menzannotte”,
lustru de Ddeo mu vidi
cu’ n’aperìa li porte?
Si tu a mu vai a la Serra,
ti vote sutta supa
e c’è cu’ de nu ponte
corcunu si sderrupa.
Ad ogni cento passi
c’è scrittu “Nterruzione!”
forze sti segnali
l’avìa misu Borbone.
E pàssanu li seculi,
la storia fa lu corso,
ma figghi e proniputi
lèjenu “Lavore ‘n’corso!”.
Pecchì de la campagna
li strati vui facìti,
e appena chi su fatti
pigghìati e li chiudìti?
Pensati, o sbirgognati,
com’è lu Campusantu:
na zzimba stritta pare
e no’ nu logo santu!
Mbece pe’ mu lu crìscenu,
ca no’ si cape cchiù,
li ricchj de mercanti
fannu chisti zulù!
Li morte sugnu ‘n’terra,
jettàti como cane,
l’attruzzi cu li pede,
si passi, e li profani.
Chistu pecchì ‘n’Calabria
è duve cchiù si mangia
ed ogni cittadinu
pe’ pècura si scangia!
Surprisa
Però chista matina
si ntise nu judizziu,
parìa ca na muntagna
stimpàu a nu precipizziu!
Li scrusci, li mazzati,
li corpe de marteja,
li rumbi e scatalasci
perciava ciriveja!
Affàcciu pe’ mu viju,
criditi, o gente mei,
vestùti cu li tuti
vitte certe judei
cu scupi e cu sciamarri,
cu vanghi e cu rampini,
scavàvanu, scupàvanu
como tanti assassini!
E de Dumari, poe,
venìanu ruspi e gru,
la testa ti sturdìanu,
no’ nde potivi cchiù.
Lu fumu de li scarrichi,
cinneri e purverata,
nchianavanu a li cele,
tantu ‘ndavìa ammassata.
Chi cumandava c’erenu
na squatra de ngegnere,
e, doppo n’ura, vìnneru
diciotto cantunère.
E cu’ gridava a destra,
cu’ ordinava a manca,
pecchì cu’ no’ fatiga,
cumanda e no’ si stanca!
Lu caddu ere nu mperno!
E li fatigaturi,
sutta nu suli ardente,
grundàvanu suduri.
Li capi cchiù gridavanu,
jettandu li stentini:
“Presto! Ca mu si spiccia,
pezze de saracini!”.
E poe de lu paisi,
de supa la Carìa,
li grida e lu ribejo
pe’ suttaccà vanìa!
“Prima ca mu fa notte,
tutti a mu su aspartàti
li strati, ca sinnò
nui simu ruvinati!”
Nci domandài a lu capu:
dimmi “Pecchì sta prèscia?”
Rispunde: “S’à de fare
viatu, tutt’allamprèscia;
pecchì domane pàssanu
presto li curritùri
e no’ potìmu fare
brutti, magri figuri!”.
E mpatti, verzo sira,
tutt’era ‘ncatramatu,
parìa chistu paisi
de novo frabbicatu!
No’ c’era cchiù na fossa,
no’ petre e no’ mundizzi,
devero stu paisi
avrà sette bellizzi!
Videndo chista cosa,
oh, como mi prejai!
E a menzo de la chiazza
eo daccussì gridai:
“Ebbiva lu cicrismu
e cu’ mbentàu la gara
ch’ogni vint’anni c’è
li strati cu’ ripara!”