La Barcunata 20
Ed arrivamme già a lu pricipiziu,
cui fa nu passu avanti è timerariu;
ma Padua Schioppa, n’orno de giudiziu,
vole pe’ mu ni sarva cu l’erariu
e già pigghiau la risoluzione
pe’ mu ni sarva de sta situazione!
Siccomo l’italianu mangia assai
e no’ produce nente o quasi, ognunu
la cigna à mu si stringe quantu mai,
cercandu mu s’abbitua a lu dijunu.
Però scansamu de sta ngustitati
furbi de la politica magnati.
Lu prezzo de la carne à m’è nchianatu,
pe’ mu s’abbista cu lu cannocchiali,
ca lu stentinu nostro è cumbinatu
m’è causa ed origini de mali:
a deputati e ricchi no ‘ fa nente,
ca l’annu fattu a modo differente!
Lu custu s ‘à de l ‘ogghio rividire
e fortemente s’ave de nchianare,
ca lu troppo ogghio ni fa digerire,
cu caca tanti vote vo mangiare;
senz’ogghio ciò chi mangi si ‘mpantana
e sente fami sulu ogni simana!
La benzina sapiti ca va cara,
cui viaggia pe’ lavuru vo na banca
ed àmu paga e sparti mu ripara
pe’ cui si sciala e la cunzuma franca,
e chi este sulamentenu mpegatu
chi viaggia cu la machina de Statu!
Li generi su tutti triplicati,
tantu de lussu tantu l’usuali,
ciò ficeru li nostre deputati
(no’ mu s’allorda troppo lu rinali!)
E a lu mangiare poco mo’ ni mbrogghia,
suggette no’ mu jamu a ‘ncuna dogghia!
Mentimu a li taliani n’atra tassa!
Disse nu dotto de l’economia,
stu popolo no’ vogghio pe’ mu ngrassa
no’ mangiandu, prevene la cardìa:
sinnò cu’ de du’ vucchi es te dotatu
chi arrobba ntra la cassa de lu Statu.
Si la gente de tassi no’ gravati,
l’Ente, sutt’Ente e lu suttaguverno
corno faciti pe’ muli saziati,
cu quale voto jati a lu cuverno?
Tuttu faciti a spisi de l’erariu:
chimmu vi crasta nu veterenariu!
Nui pagamu li tassi e sperperati?
Ni sucati lu sangu e poe spenditi?
Nci dunati dinari a Sindacati
e lu finanziamento a li Partiti.
‘Nzomma nui pagamu, vui v’arricchiti
E cu’ chiacchieri e promisi ni fottiti!
Arrivatu a stu puntu chi à mu dicu?
Vi dicu ca c’è nu rimedio sulu:
cusimuni cu spacu lu vijicu
mbujamuni cu’ suvera lu culu,
ca ntra st’ Italia e’ è la “Legge-truffa”
e cu’ more de fami e cui s’abbuffa.