La Barcunata 57
Stasira la luna è nu ‘ncantu!
Mi pare ca fade l’occhjata;
mi dice: “Chi bella sirata,
chi mai si vitte accussì!”
Li stiji chi lucenu ‘ncelo,
stasira no’ parenu stelle,
ma gucci sprendenti de perle,
no’ sacciu mu prego pecchì!
È lisciu com’ogghio lu mari,
e carma e posata sta l’unda,
lu vosco no’ move na frinda,
nu hjatu de vento no’ c’è!
Na quete a lu munti e la vaji,
lu chianu mi pare deserto,
lu core mi punge a lu petto
na fitta m’afferra de ccà!
Ci sugnu pacchjuni a la chiazza,
cu giuveni allegre abbrazzati,
si mìnanu cento vasati,
m’ognunu ‘n’silenzio si sta!
No’ sento nu scrusciu de scarpu,
né anima viva chi passa;
sta vita affujendo trapassa,
e va… cui diavulu sa!
Stasira lu celo è na festa,
la pracida luna nu ‘n’cantu,
li gucci de stelle nu chjantu,
chi grùndanu puru de ccà!
Stasira la luna è cchjù bella,
lu celo de luci s’ammanta,
cchjùviva na stella mi ‘ncanta,
la stella chi ‘ncanta si Tu.