La Barcunata 12
Mò stacitivi cuntente,
o cristiani bone e mali,
non è bbèro ca nci sugnu
li profondità mpernali.
E' lu Papa chi lu disse,
chi nò sbagghia quandu parra,
ch’è lu Gnuri supa terra
e na sillaba nò sgarra!
Ma nò sacciu mu vi dicu
si lu ‘mpemo è chjnu paru
puramente li demone
pe’ dispetto, sderruparu.
Mi ricordo ca fu fattu
lu progetto de nu santu,
chi lu ‘mperno prividia
mu si crisce n’atru tantu.
Ma nò vinne mai approvatu
ca li sorde nci mancaru,
ca li santi progressisti
lu Signori lu spoghiaru!
E si poe lu ‘mperno c’è
ca li sorde li trovaru
e Sampetro cu l’Apostole
nottetempo l’allargaru?
Vi cunsigghiu a tutti quanti
mu faciti penitenza:
scotolati li peccati,
annettati la cuscenza.
Ma, si poe, la testa aviti
pejo ancora de na crapa,
si pè casu, c’è lu ‘mperno
vi futtiti vui e lu Papa!