La Barcunata 28
Vaci Maria ciangendu strati, strati;
vaci a la cerca de lu figghju duci!
‘Mprora, domanda a toni disperati,
lu chiama “Sarbaturi” a chjina vuci!
La ‘ggenti chi la vidi sbarijari
e sapi già ca lu soi figghju è mortu,
- ‘nci l’ammazzaru senza mai ‘sitari,
doppu chi mbippi u feli ‘nt’a chij’ortu
vorria mu faci luci a lu penari
ma pè la compassioni e lu doluri,
stringi li spaji senza rishjatari,
‘mbocandu, ‘mmenti sua, lu Redenturi.
Di vennari si fici lu mispattu
e si japriru tutti li celesti!
La terra spracanau comu biscottu;
ciangenu tutti li perzuni onesti!
Doppu tri jorna ch’iju avia morutu,
na luci lu Tusellu scuncassau;
sbilau di chiju pannu ‘nsanguinatu
e a li soi amici, jà, si prisentau!
Giuvanni ch’era comu n’atru figghju
jiu ‘nt’a dui botti u chiama a Santa Matri,
‘nci dissi: “Matri, ‘mbivisciu toi figghju
pè voluntati di l’eternu Patri!”
Ija non ‘nci cridiu ma jiu all’affruntu
di chiju c’oramai avia perdutu!
Si misi ‘ncoju lu soi niru mantu
mu ‘va’a la cerca di cui avia ajattatu!
‘Mpena Maria lu vitti cumpariri,
‘ntr’a li soi vrazza ‘ncuminciau a ciangiri
pè l’allegrizza e pè la cummozzioni!
‘Nci catti chju mantu annigricatu
e comu u luli ‘llumina li munti
quandu la notti dassa lu crijatu,
cussì la Mamma Santa è risprendenti!