La Barcunata 21
Sona pé chiji rughi ‘a ciarameja,
accumpagnata di nu ‘zzampognaru!
Nu sonu chi ti spercia la meduja,
Sugnu Peppinu e Cola lu massaru!
Veninu tutti l’anni di sti tempi,
mu fannu la novina a lu ‘mbombinu!
Scavarcanu di notti chiji timpi,
doppu chi si scarfaru cu lu vinu!
Nu sonu scardillinu e ‘nzuccaratu,
chi trasi ‘ntr’a lu cori di la ‘ggenti;
duna cumportu puru a lu malatu
e paci porta a cui non avi nenti!
Pari ca dici: “Risurgiti oh! ‘ggenti!
Veniti appressu a ‘nnui, cu’nnui cantati,
pecchì staci arrivandu lu ‘nnocenti,
ven’u scancella tutti li peccati!”
Veniti lesti, comu siti ‘ncasa,
ca non ‘nci mporta si siti sciunduti;
abbasta mu portati ‘ncuna cosa,
ca vaci 'mbucca di li spejizzati!
“Dormi dormi bombineju
dormi dorm'in santità.”