La Barcunata 56
La palumbeja sind’àvia volatu,
pemm’u ‘nci port’ e frati ‘nu salutu:
sind’ àvia jutu pè luntani siti,
pemm’u ‘nci dici ‘e frati: Vui esistiti!
Siti prisenti’ ‘ntutti li penzeri
di li famigghji ‘ngiru d’u vrasceri
chi quand’a friscanzana li ricogghji,
figghju ricord’ o’ patri e patr’i’ figghji!
Dandi palumba duci la novella;
dindi si riciviru chija scialla
chi ‘nci tessimmu ‘cu’ li nostri mani,
p’ amuri ‘mu ‘ndi crijan’ u domani!
Dindi si ‘nt’a li terri giargianisi,
ànnu ‘nt’ o cori ancora lu pajisi
ch’i vitti giuvaneji smanijari
quandu frijia lu sangu pè ‘ll’amuri!
E la palumba rispundiu dicendu:
Jivi girandu l’univerzu mundu;
vitti li frati nostri sbenturati!
Vi pozz’assicurari c’a su’ amati;
Pecchi la ‘ggenti ‘bbona e rispettusa,
no’trova quasi mai la porta chjiusa!
La ver’arrazza nostra non è mala,
mal’ è lu mundu chi la vozi sula!